ᲒᲐᲮᲓᲘ ᲩᲕᲔᲜᲘ ᲒᲣᲜᲓᲘᲡ ᲬᲔᲕᲠᲘ

4 ნოემბერს, თანამშრომლები სოკარის ნავთობბაზას ეწვივნენ.

ტურის მიმდინარეობისას, გაეცნენ საწვავის ხარისხს და მიიღეს დეტალური ინფორმაცია თუ რა გზას გადის საწვავი საქართველოში შემოსვლიდან მომხმარებლის ავტომობილის ავზში მოხვედრამდე. 

ამასთანავე, მნიშვნელოვანი ყურადღება დაეთმო უსაფრთხოების სტანდარტებისა და ნორმების გაცნობას, რომელსაც სოკარ ჯორჯია პეტროლეუმი უკვე მრავალი წელია ზედმიწევნით მიჰყვება.

გარდა ამისა, თანამშრომლებმა თავადვე დაათვალიერეს უახლესი სტანდარტებით აღჭურვილი ლაბორატორია, სადაც სისტემატურად მიმდინარეობს საწვავის ხარისხის კონტროლი.

პროქტის მიზანია, სოკარის თანაშორმლებმა თავად დაათვალიერონ და უფრო დეტალური ინფორმაცია მიიღონ კომპანიის საწვავის ციკლსა და ხარისზე. 

11 სექტემბერს, სოკარის სათაო ოფისს მ. იაშვილის ბავშვთა ცენტრალური საავადმყოფოს სისხლის ბანკი ეწვია. სოკარის თანამშრომლები აქტიურად მონაწილეობდნენ სისხლის დონაციის კამპანიაში, რომლის მიზანი იყო ლეიკემიით დაავადებული ბავშვების მხარდაჭერა.

ეს არ არის პირველი შემთხვევა, როდესაც ჩვენი თანამშრომლები მონაწილეობენ მსგავს ინიციატივაში. სისხლის ნებაყოფლობითი დონაცია უსაფრთხო და მნიშვნელოვანი პროცესია.

კამპანია გაიღე სისხლი, გადაარჩინე სიცოცხლე ეძღვნება საავადმყოფოს სისხლის ბანკში სისხლის კრიტიკული დეფიციტის აღმოფხვრას.

პეტრას განძი -თამაში, რომლის ინსპირაციასაც ფორტ ბოიარდი და ლეგენდარული სათავგადასავლო ისტორიები - როგორიცაა ინდიანა ჯონსი- წარმოადგენს, 5-7 აპრილს საქართველოში პირველად გაიმართა. კონკურსის გაჯერებულია ისტორიული ფაქტებით.

მონაწილე გუნდებმა დღის განმავლობაში არქეოლოგიური კომპლექსის ტერიტორიაზე, განცალკევებულ ლოკაციებზე მოწყობილი 24 დაბრკოლება გადალახეს, სადაც აგროვებდნენ არტეფაქტის ფრაგმენტებს, მაგიურ ქვებსა და იუსტინიანეს მონეტებს.

უნიკალური განძის და ოქროს ფარის მოპოვებას ყველასთვის კარგად ნაცნობი კომპანიებიდა ინფლუენსერების გუნდი ცდილობდნენ.

გამარჯვება და რჩეულის სტატუსი წილად ხვდა სოკარს, რომელიც დაკომპლექტებული იყო 8 განსაკუთრებით ძლიერი მონაწილით.ისინი პეტრას ციხის მიმდებარედ ნაპოვნი განძის რეალურ ისტორიას ეზიარნენ და რჩეულის ტიტულის მოსაპოვებლად, საინტერესო და რთული დაბრკოლებები გადალახეს.

სოკარის გუნდმა, როგორც პეტრას რჩეულმა გუნდმა სახელობითი ხე დარგო და კომპანიის სახელით სამუდამო კვალი დატოვა არქეოლოგიური კომპლექსის ტერიტორიაზე. ამასთან, მათ გადაეცა უნიკალური განძიდან ერთ-ერთი არტეფაქტისასლი – მოოქროვილი ბუნიკი და ამით გუნდი შემდეგ ეტაპზე - დახურულ რჩეულთა კლუბში -გადავიდა.

პროექტისთვის ქართულ მოტივებზემუსიკა ნიკოლოზ რაჭველმა დაწერა. აღსანიშნავია თამაშის პერსონაჟების სახეებიც, მათშორის, სახელ განთქმული არქეოლოგი, დოქტორ ჯონსი, რომელიც ნიკოლოზ წულუკიძემ განასახიერადა რომელმაც მოთამაშეებს უმასპინძლა.

აღსანიშნავია, რომ პროექტში მონაწილე ყველა კომპანიამ დაუვიწყარი გამოცდილება მიიღო, რაც შემდგომ მათ კორპორაციულ საქმიანობას კიდევ უფრო ეფექტურს და საინტერესოს გახდის.

‍

12 აპრილს, სოკარის თანამშრომლებისთვის, ჩატარდა ბოულინგის ჩემპიონატი. აქტივობაში მონაწილეობა მიიღო 30-მა თანამშრომელმა, რომელთაგანაც ტოპ 5 მონაწილე გადავიდა ფინალში.

ფინალური ბრძოლა იყო დაძაბული და საინტერესო, რომლის შედეგადაც გამოვლინდა გამარჯვებული და გადაეცა პრიზი - “პარკ ჰოტელ წინანდლის“ ვაუჩერი.

კახეთში, საერთაშორისო საქველმოქმედო მარათონი - WINGS FOR LIFE ჩატარდა. გარბენში სხვა კომპანიებთან ერთად სოკარის 100-ზე მეტმა თანამშრომელმაც მიიღო მონაწილეობა.