ᲨᲨᲛ ᲞᲘᲠᲔᲑᲘᲡ ᲣᲤᲚᲔᲑᲔᲑᲘᲡ ᲠᲔᲐᲚᲘᲖᲐᲪᲘᲐ

სოკარმა დაიწყო სადგურებზე არსებული სველი წერტილების ეტაპობრივი ადაპტაცია. ავტობანზე მდებარე სადგურებთან არსებული საპირფარეშოები მოერგო შშმ პირთა საჭიროებებს.

სოკარი 2019 წლიდან მხარს უჭერს პროექტს „აქტიური ცხოვრება ჩემი სტიქიაა“, რომელიც ახალგაზრდული მედია კავშირის ორგანიზებით იმართება. პროექტის ფარგლებში, ყოველწლიურად მრავალი სპორტული ღონისძიება და სპორტული ბანაკი იმართება. ბანაკში მონაწილეობას იღებენ საომარი მოქმედებების დროს დაჭრილი სამხედრო მოსამსახურეები, ვეტერანები, ცნობილი სახეები და რეგიონებში მცხოვრები შშმ პირები.

• პროექტ #აქტიურიცხოვრებაჩემისტიქიას ფარგლებში ყოველწლიური, ბოულინგის ინტეგრირებული ჩემპიონატი გამართა, რომელიც აფხაზეთის ომის გმირის, პროექტის მონაწილის - თემო სახოკიას სახელს ატარებს.ჩემპიონატში მონაწილეობა სხვადასხვა შეზღუდვის მქონე პირებმა მიიღეს.

• პროექტ #აქტიურიცხოვრებაჩემისტიქიას ფარგლებში ბორჯომის ადაპტირებულმა საველე ბანაკმა საქართველოს სხვადასხვა მუნიციპალიტეტში მცხოვრებ 200–მდე შშმ პირს, სამშვიდობო მისიებში დაჭრილ ჯარისკაცებსა და ომის ვეტერანებს უმასპინძლა. აქტივობის ფარგლებში აფხაზეთის ომის გმირის, გოდერძი ზაქარაიას სახელობის ჯომარდობისა და მშვილდოსნობის ტურნირი ჩატარდა, რის შემდეგაც ზიპლაინისა და ფეინთბოლის ჩემპიონატი გაიმართა. ჩემპიონატების გამარჯვებულებს გადაეცათ ფულადი პრიზები, საჩუქრები, თასები, დიპლომები და მედლები.

• პროექტ #აქტიურიცხოვრებაჩემისტიქიას ფარგლებში პალიასტომის ტბის ჯუნგლებში თევზაობის ფესტივალი გამართა. საქართველოს სხვადასხვა რაიონში მცხოვრებმა 32-მა ვეტერანმა, სამშვიდობო მისიაში დაჭრილმა ჯარისკაცმა და შშმ პირმა 2 დღის განმავლობაში ერთად იცხოვრა და „საქართველოს მოყვარულ მეთევზეთა კავშირის“ მხარდაჭერით გამართულ თევზაობის ფესტივალში მიიღო მონაწილეობა.

• პროექტ #აქტიურიცხოვრებაჩემისტიქიაას ფარგლებში ტრადიციული, ინტეგრირებული რეგატა აფრიანი იახტებით - თბილისის ზღვის თასი 2024 ჩაატარა. სპორტულ აქტივობაში მონაწილეობა მიიღეს: სამშვიდობო მისიებში დაჭრილმა ჯარისკაცებმა, ომის ვეტერანებმა, შეზღუდული შესაძლებლობის მქონე პირებმა და ონკოსაზოგადოების წარმომადგენლებმა, საქართველოს სხვადასხვა რეგიონიდან.

პროექტი დღემდე აქტიურად მიმდინარეობს და ხორციელდება წელიწადში რამდენჯერმე. სოკარი, როგორც ერთგული მხარდამჭერი აქტიურად არის ჩართული როგორც პროექტის მხარდაჭერის, ასევე ინფორმაციის გავრცელების კუთხით. 

არასამთავრობო ორგანიზაცია პირველი ნაბიჯი განსაკუთრებული საჭიროების მქონე ბავშვებს უკვე 20 წელზე მეტია ემსახურება. ორგანიზაციის ერთ-ერთი მთავარი მიმართულება - აუტიზმის პროგრამაა.

სოკარ ჯორჯია პეტროლეუმმა პირველი ნაბიჯის სხვა მეგობრებთან ერთად, იმ კოტეჯის გარემონტებაში მიიღო მონაწილეობა, სადაც ბავშვებისათვის თერაპია და სხვა სასარგებლო აქტივობები ტარდება.

2019 წლის 1 ივნისს, ბავშვთა საერთაშორისო დღესთან დაკავშირებით, საქართველოს სპეციალური ოლიმპიადასა და სოკარ ჯორჯიას პეტროლეუმის ერთობლივი ამხანაგური საფეხბურთო მატჩი გამართა.

აღნინშული ღონისძიება სრულიად დაფინანსდა სოკარ ჯორჯია პეტროლეუმის მიერ და მიზნად ისახავდა შეზღუდული შესაძლებლობების მქონე პირების საზოგადოებაში ინტეგრაციასა და მხარდაჭერას.