„ᲡᲝᲙᲐᲠᲘᲡ“ ᲡᲐᲗᲐᲝ ᲝᲤᲘᲡᲘᲡ ᲬᲐᲠᲛᲝᲛᲐᲓᲒᲔᲜᲚᲔᲑᲘ ᲡᲐᲥᲐᲠᲗᲕᲔᲚᲝᲡ ᲡᲐᲛᲣᲨᲐᲝ ᲕᲘᲖᲘᲢᲘᲗ ᲔᲬᲕᲘᲕᲜᲔᲜ

ბოლო დროს, კომპანია „სოკარის“ სახელით გავრცელდა სხვადასხვა სახის შეტყობინებები, რომლითაც მოსახლეობას „სოკარის“ აქტივებში ინვესტირებისკენ მოუწოდებენ. კომპანია საზოგადოებას აფრთხილებს, არ დაუჯერონ ამ თაღლითურ სქემას და მსგავს შეთავაზებებში ინვესტიცია არ განახორციელონ.

 „სოკარი“ საზოგადოებას სოციალური ქსელებისა და ოფიციალური მედია არხების მეშვეობით, თავისი საქმიანობისა და სპეციალური აქციების შესახებ რეგულარულად აცნობებს. კომპანია შეახსენებს მოქალაქეებს, რომ „სოკარი“ არ არის პასუხისმგებელი მისი სახელით გაცემულ დაპირებებზე. 

„ჩვენ მოვუწოდებთ მოქალაქეებს სიფრთხილისკენ და ვურჩევთ, მსგავსი შეთავაზების მიღების შემთხვევაში, დაუყოვნებლივ დაუკავშირდნენ სამართალდამცავ ორგანოებს,“ - ნათქვამია „სოკარის“ მიმართვაში, რომელიც სოციალური მედიის მეშვეობით გავრცელდა.

 ეს არ არის პირველი შემთხვევა, როდესაც „სოკარის“ სახელით, იურიდიულ და ფიზიკურ პირებს უგზავნიან ყალბ განცხადებებს ფიზიკური და კორპორატიული თანამშრომლობის, სამუშაო ადგილების შექმნის, საინვესტიციო პროექტების შესახებ და ა.შ. ძირითადად, ეს დეზინფორმაცია მომხმარებლებს სოციალური მედიის, ელექტრონული ფოსტისა და სატელეფონო ზარების მეშვეობით მიეწოდებათ. 

ინფორმაციის სიზუსტის გადამოწმება მსურველებს შეუძლიათ „სოკარის“ ოფიციალურ ვებ-გვერდზე, Facebook-ის ოფიციალურ გვერდსა და ცხელ ხაზზე: *0001. 

1918 წლის 28 მაისს, თბილისში შეიქმნა აზერბაიჯანის ეროვნული საბჭო და ხელი მოეწერა აზერბაიჯანის დამოუკიდებლობის დეკლარაციას. მამად ამინ რასულზადეს მიერ დაარსებული აზერბაიჯანის დემოკრატიული რესპუბლიკა, პირველი სეკულარული ქვეყანა გახდა მუსულმანურ სამყაროში.

ამას გარდა აზერბაიჯანი გახდა პირველი მუსულმანური ქვეყანა, სადაც კონსტიტუციით ქალთა უფლებები კაცთა უფლებებს გაუთანაბრდა.

ახლად დაარსებულმა აზერბაიჯანის დემოკრატიულმა რესპუბლიკამ თავისი რთული ისტორიული ამოცანა პატივით შეასრულა. შეიქმნა აზერბაიჯანის პირველი პარლამენტი და მთავრობა, სახელმწიფო აპარატი შეიქმნა, განისაზღვრა ქვეყნის საზღვრები, შეიქმნა დროშა, ჰიმნი და გერბი, დედა ენა გამოცხადდა სახელმწიფო ენად.

სამწუხაროდ, 1920 წლის 28 აპრილს წითელი არმია აზერბაიჯანში შეიჭრა და ქვეყანამ დამოუკიდებლობა 1991 წლამდე დაკარგა.

დღეს აზერბაიჯანი დამოუკიდებლობის დღეს აღნიშნავს!

1918 წლის 26 მაისს საქართველოს ეროვნულმა საბჭომ მიიღო სახელმწიფოებრივი დამოუკიდებლობის აქტი და ჩამოაყალიბა დამოუკიდებელი საქართველოს მთავრობა. სახელმწიფოს პოლიტიკური მმართველობის ფორმად აღიარეს დემოკრატიული რესპუბლიკა; შეიქმნა ევროპული ტიპის ქართული სახელმწიფოებრიობა, დემოკრატიული სისტემა.

საქართველოს დამოუკიდებლობას იმთავითვე მტრულად შეხვდა ბოლშევიკური რეჟიმი, რომლის მიზანს წარმოადგენდა რუსეთის ყოფილი იმპერიის აღდგენა.

1921 წელს საქართველოში წითელი არმია შემოიჭრა და ქვეყნის ანექსია მოახდინა. საქართველოს მთავრობა და დამფუძნებელი კრების უმრავლესობა ემიგრაციაში წავიდა.

1991 წლის 31 მარტის საყოველთაო რეფერენდუმის შედეგად, მოსახლეობის ერთსულოვანი გადაწყვეტილებით, ქვეყანამ დამოუკიდებელი რესპუბლიკის სტატუსი დაიბრუნა.

1991 წლის 9 აპრილს ძალაში შევიდა საქართველოს სახელმწიფოებრივი დამოუკიდებლობის აღდგენის აქტი.

საქართველოს დამოუკიდებლობის დღის აღსაღნიშნავად სოკარი ყველა გასამართ სადგურებზე აღმართავს საქართველოს დროშას.

გილოცავთ, დამოუკიდებლობის დღეს!

5-7 აპრილს, საქართველოში პირველი შემეცნებითი კორპორატიული ტურნირი -„პეტრას განძი“ ჩატარდა. თამაში „ფორტ ბოიარდისა“ და ლეგენდარული სათავგადასავლო ჟანრის - „ინდიანა ჯონსის“ მოტივებზეა შექმნილი და ისტორიული ფაქტებით არის გაჯერებული. მონაწილე გუნდებმა დღის განმავლობაში არქეოლოგიური კომპლექსის ტერიტორიაზე, განცალკევებულ ლოკაციებზე მოწყობილი 24 დაბრკოლება გადალახეს, სადაც აგროვებდნენ არტეფაქტის ფრაგმენტებს, მაგიურ ქვებსა და იუსტინიანეს მონეტებს.

უნიკალური განძის და ოქროს ფარის  მოპოვებას ყველასთვის კარგად ნაცნობი კომპანიები - “სოკარი“ „თიბისი ბანკი“, „მზიური გარდენსი“, „კრედო ბანკი“, „ევროპაბეთი“, “HR პროფესიონალთა ასოციაცია” და ინფლუენსერების გუნდი - ცდილობდნენ.

გამარჯვება და რჩეულის სტატუსი „სოკარს“ ხვდა წილად, რომელიც დაკომპლექტებული იყო 8 განსაკუთრებულად ძლიერი მონაწილით. ისინი პეტრას ციხის მიმდებარედ ნაპოვნი განძის რეალურ ისტორიას ეზიარნენ და რჩეულის ტიტულის მოსაპოვებლად, საინტერესო და რთული დაბრკოლებები გადალახეს.

“SOCAR Team”-მა, როგორც „პეტრას რჩეულმა“ გუნდმა სახელობითი ხე დარგო და კომპანიის სახელით სამუდამო კვალი დატოვა არქეოლოგიური კომპლექსის ტერიტორიაზე. ამასთან, გადაეცა უნიკალური განძიდან ერთ-ერთი არტეფაქტის ასლი – მოოქროვილი ბუნიკი. გუნდი გადავიდა შემდეგ ეტაპზე - დახურულ რჩეულთა კლუბში.

პროექტისთვის ქართულ მოტივებზე მუსიკა ნიკოლოზ რაჭველმა დაწერა. აღსანიშნავია თამაშის პერსონაჟების სახეებიც, მათ შორის, სახელგანთქმული არქეოლოგი, დოქტორ ჯონსი, რომელიც ნიკოლოზ წულუკიძემ განასახიერა და რომელმაც მოთამაშეებს უმასპინძლა.

აღსანიშნავია, რომ პროექტში მონაწილე ყველა კომპანიამ დაუვიწყარი გამოცდილება მიიღო, რაც შემდგომ მათ კორპორაციულ საქმიანობას კიდევ უფრო ეფექტურს და საინტერესოს გახდის.

„სოკარის“ ნებისმიერ ავტო სადგურზე, 26 თებერვლიდან 31 მარტის ჩათვლით, დიზელზე იმოქმედებს 20 თეთრიანი ფასდაკლება. აქცია მოქმედებს როგორც „ნანო“ დანამატიან, ასევე სტანდარტულ - „ევრო 5 დიზელზე“.

20 თეთრის ნაცვლად, 25 თეთრიანი ფასდაკლება მოქმედებს პარასკევს და შაბათს. აქციაში ავტომატურად ჩაერთო ყველა, ვისაც უკვე აქვს ენერჯი ბარათი, ხოლო ის მომხმარებლები ვინც ჯერ კიდევ არ ფლობენ ენერჯი ბარათს, სრულიად უფასოდ  შეძლებენ გახსნან „სოკარის“ ნებიმიერ ავტოგასამართ სადგურზე და სერვის ცენტრებში.

ენერჯი ბარათი „სოკარის“ ლოიალობის პროგრამაა, რომლის ფარგლებშიც მომხმარებლებს შეუძლიათ დააგროვონ ქულები და გადაცვალონ საწვავსა თუ მარკეტების ქსელ „Way-Mart”-ის ნებისმიერ პროდუქტში. თითოეულ ჩასხმულ ერთ ლიტრ საწვავზე მომხმარებელს ბარათზე უგროვდება 3 ქულა, 1 ქულა = 1 თეთრს.

1 აპრილიდან, დიზელის ფასდაკლებაზე ჩაირთვება LEVEL სისტემა, სადაც ფასდაკლების შენარჩუნებას განაპირობებს მოხმარებული საწვავის რაოდენობა. თუ მარტის თვეში მომხმაებელი ჩაასხავს მინიმუმ 150 ლიტრ საწვავს აღნიშნული ფასდაკლება გაუგრძელდება აპრილის თვეშიც, წინააღმდეგ შემთხვევაში დაუბრუნდებიან სტანდარტულ - 10 თეთრიან ფასდაკლებას.

 „სოკარი“ უმაღლესი ხარისხის ევრო 5 სტანდარტის დიზელის იმპორტიორია. საქართველოს გარდა „სოკარი“ ოპერირებს ისეთ დიდ ქვეყნებში როგორიცაა შვეიცარია, ავსტრია, რუმინეთი, თურქეთი, უკრაინა და აზერბაიჯანი.

დამატებითი ინფორმაციისთვის: *0001

SOCAR Georgia Petroleum-ში ავზის შევსება ყინვაგამძლე დიზელითაა შესაძლებელი, რომელიც -30°C ტემპერატურას უძლებს.

გამოცადე ნანო დანამატის უსასრულო ძალა და მიიღე სრულყოფილი გამოცდილება შენს ავტომობილთან ერთად.

https://shorturl.at/mxB39

"ურბანული ექსპრესია - სტუდენტ მოქანდაკეთა შემოქმედებაში“ - სტუდენტ მოქანდაკეთა საერთაშორისო გამოფენა, ქანდაკების ფესტივალი 2023-ის ფარგლებში, თბილისის არქიტექტორთა და სკულპტორთა ასოციაციის ორგანიზებით გაიმართა.

ექსპოზიციაზე წარმოდგენილი იყო თბილისის სახელმწიფო სამხატვრო აკადემიისა და აზერბაიჯანის სახვითი ხელოვნების სახელმწიფო აკადემიის სტუდენტების სკულპტურული ესკიზები, რომლებიც ფესტივალისთვის შექმნეს.

ნამუშევრები კონკურსის წესით, საერთაშორისო ჟიურიმ შეირჩა და მონაწილეებს შორის 4 გამარჯვებული გამოავლინა.

ფესტივალის სპონსორი და მეგზურია SOCAR Georgia Petroleum

„საქართველოს სტრატეგიული კვლევებისა და განვითარების ცენტრმა" 27 ოქტომბერს სოციალური საწარმოების მეოთხე B2B გამოფენა გამართა.

გამოფენის მიზანია, სოციალურ საწარმოებსა და ბიზნეს სექტორს შორის პარტნიორობის ხელშეწყობა და პასუხისმგებლიანი შესყიდვების პრაქტიკის დანერგვა.

ღონისძიების ვერცხლის სპონსორია SOCAR Georgia Petroleum.

BMW Club Georgia-ს მიერ ჩატარებული კონკურსის - "ავტონალი 2023-ის" სეზონის წარმდგენია SOCAR Georgia Petroleum.

წლის საუკეთესო ხელოსნები ხმის მიცემის პრინციპით გამოვლინდნენ შემდეგ კატეგორიებში:

პლასტმასი: შაკო მუჭაური

ელექტროობა: შალვა გოდერძიშვილი

სავალი ნაწილი: კახა ყაულაშვილი

ტუნინგი: ირაკლი მაჩიტიძე

მეთუნუქე: ბაკურ ხარებავა

ძრავის ხელოსანი: თორნიკე ბერიძე

მღებავი: მამუკა ზაქარაია.

"ავტონალი 2023"-ის გამარჯვებული ხელოსნები სოკარისგან ხელნაკეთი თასითა და 300 ლიტრი საწვავით დაჯილდოვდნენ.

„სოკარის“ სათაო ოფისის წარმომადგენლებმა საქართველოში ვიზიტის ფარგლებში შეხვედრები გამართეს „სოკარ ენერჯი ჯორჯიაში“ და გაეცნენ „სოკარ ჯორჯია გაზისა“ და „სოკარ ჯორჯია პეტროლიუმის“ ავტოგასამართი სადგურების სამუშაო პროცესებს.

ვიზიტის ფარგლებში სტუმრებმა ასევე მოინახულეს მაღაზიათა ქსელი "ვეი მარტის" რამდენიმე ფილიალია და სამუშაო შეხვედრები გამართეს ადგილობრივ მენეჯმენტთან.